24/25 ikasturte honetan, hirugarren edizioan, San Marko Mankomunitatea osatzen duten 10 udalerrietako Bigarren Hezkuntzako eta Lanbide Heziketako ikastetxeei zuzendutako ingurumen-hezkuntzako kanpaina egiten ari da. Aurten 34 ikastetxek eman dute izena, 119 talderekin, kanpainak ikasgela bakoitzean irauten duen ordu eta erdiko saioa egiteko. Urriaren 15ean hasi zen eta abenduaren 19an amaituko da, 15 eta 18 urte bitarteko 2.350 neska-mutilek baino gehiagok parte hartuz. Kanpaina, batez ere, DBHko 3. eta 4. mailako bigarren zikloko ikasleentzat eta Lanbide Heziketako erdi mailako lehen urteko ikasleentzat izan da.
2024·10·15
Ekimen horrek eskola-komunitateari eragiten dio, kolektibo horrek eguneroko ingurumen-alderdiekin duen loturagatik, dela curriculum-hurbilketatik, dela tokiko proiektuetan parte hartzetik. Eta, gainera, beren familien barruan bozgorailu bihurtzeko duten gaitasunagatik, hondakinak jatorrian bereiztearen eta behar bezala birziklatzearen garrantziaren inguruan.
Kanpainaren helburuak askotarikoak dira:
- Hiri-hondakinen inguruko ezagutzak zabaltzea, hondakinen hierarkia azpimarratuz: murriztea eta birziklatzea.
- Pertsona bakoitzak etxean sortzen ditugun hondakinei dagokienez duen garrantzia eta erantzukizuna azpimarratzea, eta kontzientziatzea eta sentsibilizatzea, konponbiderako konpromiso pertsonala hartzeko.
- Kanpainan parte hartzen dutenak bultzatzea, hondakinen sorrera murrizteko eta sortutako hondakinak behar bezala bereizteko jarrerazko aldaketa gerta dadin.
- Eskola-komunitate osoa inplikatzea hondakinak behar bezala bereiztearen aldeko ekintza batean, ingurumen-sentsibilitate jasangarriago baten bozeramaile bihurtuz.
SAIOA IKASGELAN
Gelan egingo den lanak ordu eta erdi inguruko iraupena izango du, eta hiru zatitan egingo da:
- Lehenengoa, hondakinen murrizketari buruzko edukiak landuko dituena. Gaur egun kontsumoa suspertzeko egiten diren salmenta-teknikak eta azalera handiek jarraitzen dituzten merkataritza-estrategiak bezalako gaiak jorratuko dira. Kontsumo arduratsuaren jarraibideen inguruan eztabaida sortzea da helburua.
- Bigarrenak objektuak berrerabiltzea landuko du.
- Eta, hirugarren saioa, luzeena, birziklatzeari buruzkoa izango da, eta hondakinak behar bezala bereiztea izango du helburu, bai etxean, bai eguneroko kontsumoan. Dinamika ludiko baten bidez, nerabeek edukiontzi bakoitzean zer jarri den eta zer ez barneratzea nahi du, isurketa-lerro bakoitzean errefusa dakarten hondakinak bereziki azpimarratuz.
Azken batean, jakin-mina piztea eta hausnarketa bultzatzea helburu duten jarduera parte-hartzaileak planteatzen dira.
Informazio gehiago nahi izanez gero, hona kanpainaren webgunea: